Ikastaroak > Euskalduntzeko mailak
Euskalduntzeko mailak txikitatik euskara ikasteko aukera izan ez dutenentzat zuzentzen dira. Maila hauek hainbat urratsetan banatzen dira, Europako Erreferentzia Markoaren arabera, honako hauek izanen lirateke:
- OINARRIZKO MAILAK: A1 + A2
- TARTEKO MAILA: B1
- MAILA AURRERATUA: B2
- GAITASUN MAILA: C1 edo EGA
Hauek lantzeko, komunikatzeko beharrezkoak diren gaitasun guziak lantzen dira: mintzamena, irakurmena, entzumena eta idazmena.
OINARRIZKO MAILAK (A1 + A2)
A1 eta A2 burututakoan, ikaslea gai izango da:
- Kontaketa eta narrazio sinpleak, instrukzioak, eta pertsona eta objektuen deskripzio laburrak ulertzeko.
- Kontaketa eta narrazio sinpleak, instrukzioak, eta pertsona eta objektuen deskripzio laburrak ahoz nahiz idatziz oso modu sinplez adierazteko.
- Harreman hurbilen inguruan zenbait funtzio komunikatibo ezagutu eta erabiltzeko.
- Mezu nagusia eta orokorra jaso eta batzuetan adierazteko.
- Zenbaitetan informazio xehea jasotzeko (helburuaren arabera eta testuaren egiturak bideratzen duenean).
TARTEKA MAILA (B1)
B1 maila burututakoan, ikaslea gai izango da:
- Kontaketa eta narrazio sinpleak, instrukzioak, eta pertsona eta objektuen deskripzio laburrak ulertzeko.
- Kontaketa eta narrazio sinpleak, instrukzioak, eta pertsona eta objektuen deskripzio laburrak ahoz nahiz idatziz adierazteko.
- Solasaldietan parte hartzeko.
- Mezu nagusia eta orokorra jaso eta adierazteko.
- Zenbaitetan informazio xehea jasotzeko (helburuaren arabera eta testuaren egiturak bideratzen duenean).
MAILA AURRERATUA (B2)
B2 maila burututakoan, ikaslea gai izango da:
- Solasaldiak, jardunak, narrazioak, deskripzioak, instrukzioak, azalpenak zein iritziak ulertu eta ahoz nahiz idatziz adierazteko. Hala ere, ñabardurak jaso eta adierazteko zailtasunak izango ditu.
GAITASUN MAILA (C1 edo EGA)
C1 maila burututakoan, ikaslea gai izango da:
- Edozein hizketa ulertzeko.
- Zuzentasunez, egokitasunez eta aberastasunez komunikatzeko.
- Testu era guztiak erabiltzeko eta idazteko.
